Да 90-годдзя з дня нараджэння народнага паэта Беларусі...
01.10.202130 верасня 2021 года споўнілася 90 гадоў з дня нараджэння народнага паэта Беларусі, літаратуразнаўцы, фалькларыста, перакладчыка, заслужанага дзеяча навукі Ніла Сымонавіча Гілевіча.
У ДУА “Сямкоўскі вучэбна-педагагічны комплекс дзіцячы сад-базавая школа Лагойскага раёна” да юбілея пісьменніка было падрыхтавана шэраг мерапрыемстваў. У бібліятэцы вучні папоўнілі свае веды пра біяграфію паэта, а таксама наведалі кніжную выставу «Сейбіт з блакітным святлом у вачах», прынялі ўдзел у аглядзе жыцця і творчасці майстра слова «Не баюся, што век мой не вечны”.
Літаратурную гадзіну для вучняў падрыхтавала настаўніца беларускай мовы і літаратуры Буйніцкая З.В.. Яна расказала пра цяжкае дзяцінства і творчы шлях паэта. У час мерапрыемства прагучалі вершы аўтара пра нашы мясціны, нашу Лагойшчыну, а таксама гумарэскі і жарты паэта.