.svg.png)
З любоўю і павагай да сталых людзей
01.10.2024У Косінскай школы ёсць шмат слаўных традыцый. Адна з іх - наведванне і віншаванне з Днём сталых людзей заслужаных работнікаў аг. Косіна. У гэтым годзе вучні завіталі да Сакалінскай Валянціны Андрэеўны, якая доўгі час працавала настаўнікам у школе.
Валянціна Андрэеўна з радасцю сустрэла навучэнцаў, паказала сваю гаспадарку. Хлапчукі нашай школы адразу вызваліся дапамагчы ў зборы яблыкаў, а дзяўчаты з захапленнем слухалі гісторыі гаспадыні дома. Валянціна Андрэеўна ў адказ за дапамогу запрасіла школьнікаў зайсці пачаставацца. Павага малодшых пакаленняў і вопыт старэйшых. Як за гэтым прыемна назіраць!
