Школьнікі малявалі разметку перад пешаходнымі пераходамі

01.06.2021
 
 

    Дзяржаўтаінспекцыя правяла сумесную акцыю з установамі адукацыі Лагойскага раёна. Школьнікі ў апошні дзень навучальнага года наносілі перад пешаходнымі пераходамі інфармацыйныя надпісы з мэтай павысіць асцярожнасць і ўважлівасць пешаходаў.

    Пры дапамозе трафарэта і балончыкаў з белай фарбай юныя інспектары дарожнага руху Вольга Завіленская і Сафія Паляшчук разам з іншымі вучнямі 7 «А» класа пад кіраўніцтвам старшага інспектара ДПС Аляксандра Басько напісалі перад кожным пешаходным пераходам ад аўтобуснага прыпынку да гімназіі словы: «Возьмите ребенка за руку!» з адпаведным малюнкам.

  

     У акцыі прынялі ўдзел і маленькія вучні Ганна і Віктар Брэль з татам Вячаславам.

   Аналагічныя надпісы наносілі каля сваіх устаноў адукацыі вучні першай і трэцяй школ райцэнтра, а таксама Гасцілавіцкай і Косінскай СШ.

      Акцыя праходзіла ў рамках спецыяльнага комплексу мерапрыемстваў «Увага – дзеці!» і адзінага дня бяспекі «Захаваем нашу будучыню!»

 

 

По материалам сайта: