Жыву ў Беларусi - i тым ганаруся. Патрыятычнае выхаванне ў дашкольнай установе
15.02.2023Дашкольнае дзяцінства-спрыяльны перыяд для далучэння дзіцяці да нацыянальнай культуры. Таму вельмі важна пачынаць выхоўваць cапраўднага патрыёта сваёй Радзімы менавіта ў гэтым узросце, калі дзіця пачынае інтэнсіўна развівацца ў сацыяльным плане.
Для дасягнення гэтай мэты перад педагогамі дашкольнай установы ставіцца шэраг задач:
- выхаванне ў дзіцяці любові і прыхільнасці да сваёй сям'і, роднага дому, зямлі, дзе ён нарадзіўся;
- фарміраванне ў дашкольнікаў маральных якасцей асобы праз знаёмства з гісторыяй і сучаснасцю роднай вескi;
- фарміраванне грамадзянскай пазіцыі і патрыятычных пачуццяў да мінулага, сучаснасці і будучыні роднага краю, гонару за сваю малую радзіму;
- выхаванне любові і павагі да свайго народа, яго звычаяў, традыцый;
- фарміраванне асноў экалагічнай культуры, гуманнага стаўлення да ўсяго жывога праз знаёмства з прыродай роднага краю.
З гэтай мэтай з дзецьмі арганізуюцца:
- заняткі,
- гульнi,
- гутаркi,
- розныя формы пазнавальнай практычнай дзейнасці,
- мастацкая дзейнасць,
- святы і забавы;
- працоўная дзейнасць.
Педагагiчныя работнiкi ДУА "Засоўеўскі дзіцячы сад" падабралi цiкавы i змястоўны матэрыял для арганiзацыi патрыятычнага выхавання.
Цiкава праходзяць заняткi ў этнаграфiчным музеi "Беларуская хатка".
Тут выхавальнiкi знаёмяць дзяцей з прадметамi сялянскага быту, прыладамi працы.
Знаёмства дашкольнікаў з роднай вескай і роднай краінай – працэс працяглы і складаны. Ён не можа праходзіць ад выпадку да выпадку. Станоўчага выніку можна дасягнуць толькі сістэматычнай працай.